7-, 30- eller 180-dagarsbillett

Du kan kjøpe 7-, 30- og 180-dagarsbillett for kategoriane vaksen, barn, honnør og student.

Lurer du på kva periodebillett som lønner seg for deg? Vi har rekna på det!

Om periodebilletten

Billetten er upersonleg og kan brukast av andre, men den kan berre brukast av éin person om gongen. Personen som brukar billetten må likevel tilfredsstille krav til alder og rabattar. For å låne bort ein billett du har kjøpt på Skysskort, må du låne bort kortet. For å låne bort billettar kjøpt i appen Skyss Billett, må du fysisk låne bort mobiltelefonen din.

Gyldigheitstida for periodebillettar gjeld frå klokkeslettet ved aktivering/kjøp til same klokkeslett 7, 30 eller 180 dagar fram i tid. Billetten er gyldig så lenge du går på transportmiddel i rute før billetten går ut, men om du må bytte transportmiddel undervegs, må du kjøpe ny billett om den er gått ut før du går på det nye transportmiddelet.

Reiser du i Hordaland, treng du ikkje vise fram billetten du har kjøpt på førehand, når du går om bord. Sjåfør/mannskap og kontrollør kan likevel krevje å få sjå gyldig billett når som helst under reisa.

Reiser du i Sogn og Fjordane viser du den førehandskjøpte billetten din til sjåføren når du går om bord.

Periodebilletten for Skyss sine bussar, Bybanen og nokre båtruter gjeld på følgande båtruter:

Askøybåten - båtruta Kleppestø - Strandkaien
Nordhordlandsbåten - båtruta Knarvik - Frekhaug - Bergen
Eidesvik-Espevær
Florabassenget:
- Florø-Askrova-Stavang-Svanøy (Florabassenget sør)
- Florø-Barekstad-Batalden-Fanøy-Rognaldsvåg-Kinn (Florabassenget nord og vest)
Kaupanger kai - Frønningen

Slik kjøper du 7-, 30- eller 180-dagarsbillett

Du kan kjøpe 7-, 30- og 180-dagarsbillett i appen Skyss Billett, i nettbutikken og på kundesenteret.

For å kjøpe periodebillett i nettbutikken eller på kundesenteret, må du ha Skysskort.

7- og 30- eller 180-dagarsbillett kjøpt med i appen Skyss Billett vert aktivert ved kjøp.

Parkeringsbevis

Dersom du har 7-, 30- eller 180-dagarsbillett, kan du parkere gratis på utvalde parkeringsplassar i Bergen og omegn.

Parkering for kollektivreisande

Periodebillett på tog, ferje og ekspressbuss

Periodebillettar (7-, 30 og 180-dagar) for Skyss sine bussar, Bybanen og nokre båtruter kan også brukast på:

Reiser med tog mellom Bergen og Voss (gjeld sonene A, E og F).
Reisande med 7-, 30- eller 180-dagars periodebillett for sone A kan bruke denne også på bussreiser med Osterøyferja. Dei som reiser med enkeltbillett eller 24-timarsbillett på bussen, må kjøpe enkeltbillett til ferja av ferjemannskapet.
Ekspressbussar i Vestland, med nokre vilkår

NB: Dersom du reiser med billett frå nettbutikken, treng du å ha med både Skysskortet og kvittering for framvising.

Familierabatt

Hugs at du som reiser med periodebillett for vaksen, student eller honnør, kan få familierabatt.

Kombinasjonsbillettar buss/båt

Kombinasjonsbillett for buss/båt i Hordaland:
Ved kjøp av periodebillett for kombinasjonsreiser med buss og båt, kan du få rabatt basert på reisestrekning. Du kan kjøpe kombinasjonsbillettar i nettbutikken, om bord på båtane og på kundesenteret vårt. Rabatten er ikkje tilgjengeleg i appen Skyss Billett.