Prøv samkøyring i Øygarden og Askøy
Samkøyring er eit tilbod for deg som vil reise med bil saman med andre på strekningar i Øygarden og Askøy. Du kan for eksempel bli køyrd med bil til bussterminalen, skulen eller jobb. Har du periodebillett, er det gratis.
Slik fungerer det for passasjerar
Som passasjer kan du
- søke etter turar basert på kvar du skal og når du vil reise
- bli kopla med ein sjåfør som køyrer same strekning
- velje mellom enkeltturar eller faste pendlarturar
- gå på og av ved dei faste møteplassane som er markerte på kartet i appen
Merk: Aldersgrensa for å vere passasjer er 16 år, og ein kan ikkje booke inn barn som passasjer. Du bekrefter alderen din i appen.
Både passasjerar og sjåførar må laste ned Nabogo-appen og opprette ein brukarkonto. Merk at du må velje norsk nummer (+47) når du skal legge inn telefonnummeret ditt.
Slik fungerer det for sjåførar
Som sjåfør kan du
- tilby plass i bilen på ruter du køyrer
- opprette faste pendlarturar som passasjer kan booke
- få dekt delar av køyrekostnadane for kvar passasjer som sit på
Både passasjerar og sjåførar må laste ned Nabogo-appen og opprette ein brukarkonto. Merk at du må velje norsk nummer (+47) når du skal legge inn telefonnummeret ditt.
Kvar kan du reise med samkøyring
Du blir henta og sett av på faste møtestader som er markerte på kartet i Nabogo-appen. Møtestadane er valde slik at det er trygt og enkelt å bruke tilbodet.
Askøy:
Du kan søke etter turar som er lagt inn i Nabogo-appen. Alle turar må starte eller stoppe i Askøy.
Øygarden:
Du kan søke etter turar som er lagt inn i Nabogo-appen. Alle turar må starte eller stoppe i Øygarden.
I Øygarden er det også faste samkøyringsruter med faste sjåførar her:
- Ågotnes–Straume
- Rong–Ågotnes–Straume
Kom i gang
- Last ned appen Nabogo her.
- Opprett brukar
- Søk etter turar eller legg ut turar
Pris og betaling
Med periodebillett frå Skyss:
Reisande med gyldig Skyss-periodebillett (ungdomsbillett, 7-, 30- eller 180-dagersbillett) reiser heilt gratis. Du registrerer periodebilletten i Nabogo-appen.
Utan periodebillett frå Skyss:
Dei første 10 kilometrane er gratis, deretter kostar det 1 krone per kilometer. Betaling skjer via Nabogo-appen.
Treng du hjelp
Skulle noko gå gale, kontaktar du Nabogo support direkte:
- Ring +45 40 18 20 43 (kvardagar kl. 09.00–17.00)
- Send e-post til support@nabogo.com
Du finn også svar på vanlege spørsmål her.
Samkøyring i Øygarden og Askøy er eit samarbeid mellom Skyss og Nabogo.