Frå 10. august blir nokre turar i ferjesambandet Jektavik–Nordhuglo–Hodnanes endra. Endringane er naudsynt for å sikre skuleskyss til born som reiser med sambandet, og det gir samstundes tidlegare reisemoglegheit og ein ny avgang til/frå Huglo om morgonen. 

På morgonen måndag til fredag får sambandet utvida opningstid og ekstra anløp av Nord-Huglo for å sikre skuleskyss, medan på fredag kveld vert siste anløp av Nord-Huglo omgjort frå fast stopp til bestillingsstopp. Anløpet må bestillast før avgang frå Hodnanes. Dersom stoppet ikkje blir bestilt, får reisande frå Hodnanes til Jektavik 15 minutt kortare reisetid. 

Endringane er som følger: 

• Avgang kl. 05.45 frå Nordhuglo til Hodnanes, ny avgangstid kl. 05.30. 
• Avgang kl. 06.00 frå Hodnanes til Jektavik, ny avgangstid kl. 05.45. 
• Avgang kl. 06.15 frå Jektavik til Hodnanes, ny avgangstid kl. 06.00, med eit nytt stopp på Nordhuglo kl. 06.15. 
• Avgang kl. 23.05 frå Hodnanes til Jektavik med anløp Nordhuglo, blir omgjort til bestillingsstopp frå Nordhuglo. 

Endringane er oppdatert i reiseplanleggaren på web og i appen Skyss. 

Rutetabell gjeldande frå 10. august.