Ein 30‑dagars periodebillett for éi sone med buss, bybane og båtar med sonepris kostar frå 1. mai 700 kroner for vaksne og 350 kroner for barn. Det er 144 kroner rimelegare for vaksne og 72 kroner rimelegare for barn enn dagens pris.

Prisreduksjonen gjeld buss, bane og båt, og omfattar alle kategoriar: vaksen, barn, honnør, militær, student og ungdom. Du finn alle prisane i tabellane under.

Det ekstra tilskotet gjeld i utgangspunktet til utgangen av april neste år og er mellombels finansiert gjennom eit statleg tilskot til fylkeskommunane.

Rabatten gjeld for deg som kjøper:

• 30‑dagarsbillett for buss, bybane og båtar med sonepris
• 30‑dagarsbillett for båt
• 30‑dagars ungdomsbillett

180-dagarsbilletten blir fjerna

Med den nye rabatten på 30‑dagarsbilletten vil 180‑dagarsbilletten ikkje lenger vere eit lønsamt alternativ for deg som reiser ofte. Vi stoppar difor salet av denne billetten så snart som mogleg. Har du kjøpt ein 180‑dagars billett, kan du bruke han som vanleg til han går ut.

Tips: Abonner på billetten i Skyss-appen

I den nye Skyss-appen kan du abonnere på 30‑dagars periodebillett og 30‑dagars ungdomsbillett. Då blir billetten automatisk fornya kvar månad, og du slepp å hugse å kjøpe ny billett. For å starte abonnementet opnar du periodebilletten du har kjøpt i appen. Under billettdetaljar finn du valet «Start abonnement».

• Les meir om den nye Skyss-appen

Oversikt prisar frå 1. mai 2026

Buss/bybane og båter med sonepris

	1 sone	2 soner	3 soner	4–10 soner
30-dagarsbillett vaksen	700	1052	1745	2445
30-dagarsbillett barn	350	526	875	1225
30-dagarsbillett honnør	350	526	873	1223
30-dagarsbillett student/militær	420	632	1047	1467

30-dagars ungdomsbillett 350 kroner

Nye prisar båtsamband

Alle pristabellar blir oppdaterte 1. mai 2026.