Ekspressbuss, flybuss og andre tilbod med eigne prisar

Legg merke til at du på enkelte andre kollektivtilbod kan bruke utvalde Skyss-billettar.

Ekspressbuss (avgangar merkte med NW og VY)

Skyss-billettar på ekspressbuss

Ekspressbussaktørane Vy og NOR-WAY Ekspressbuss har fleire ruter til/frå og gjennom Vestland. I reiseplanleggar og rutetabellar er avgangar som vert køyrde av ekspressbussar merka med VY og NW, med eit tal bak.

På ekspressbussane gjeld eigne prisar og reglar. Du finn informasjon om dette på Vybuss.no og Nor-Way.no. Oversikt over rutene finn du her.

Følgande Skyss periodebillettar er gyldige på alle ekspressbussane til Vy og NOR-WAY Bussekspress i Vestland fylke:

30- og 180-dagars periodebillett.
- Du må ha periodebillett for sonene der du reiser med ekspressbussen. Ved reiser utover sonene du har gyldig periodebillett for, må du kjøpe enkeltbillett hos Vy eller NOR-WAY. Du betaler for den strekninga du ikkje allereie har billett for.
30-dagars ungdomsbillett.

Dersom du vil ha enkeltbillett eller annan billett til ekspressbuss, må du kjøpe denne hos Vy eller NOR-WAY.

OBS: Dersom du har Skyss-billett på Skysskort (30 og 180-dagars periodebillett eller 30-dagars ungdomsbillett), må du vise kvittering frå nettbutikken i tillegg til Skysskort når du skal reise med ekspressbuss.

Enkeltbillett på Haukeliekspressen (NW180)
På Haukeliekspressen (NW180) kan du på strekninga Odda-Røldal-Etne reise med Skyss enkeltbillett som er gyldig i sone D. Du kan kjøpe billetten i Skyss sine kanalar, om bord i bussen eller i NOR-WAY sine kanalar. Dersom du har billetten på Skysskort, må du vise kvittering frå nettbutikken i tillegg til Skysskort.

Billettar kjøpt i NOR-WAY sine kanalar er berre gyldige på NW180 Haukeliekspressen. Dei kan ikkje brukast på Skyss sine transportmiddel. Unntaket er dersom du har kjøpt billett hos NOR-WAY til Haukeliekspressen, der billetten også gjeld heile eller deler av strekninga Seljestad-Bergen. Denne billetten kan brukast på Skyss linje 930.

Strekningar der Skyss-billettar ikkje kan nyttast:
Ver merksam på at Skyss-billettar ikkje kan brukast på ekspressbuss på strekningar der Skyss sjølv har eit godt tilbod. Dette gjeld alle ekspressbussruter rundt Bergen på strekningane

mellom Bergen busstasjon og Knarvik
mellom Bergen busstasjon og Halhjem
mellom Bergen busstasjon og Trengereid

På desse strekningane må du kjøpe eigen billett hos Vy eller NOR-WAY.

Skyss-billettar kan heller ikkje nyttast på flybussen i Bergen.

OBS: For at du skal vere garantert plass på ein ekspressbuss, må du reservere plass på førehand. Dette gjer du hos Vy eller NOR-WAY. Sjå vybuss.no og nor-way.no for meir informasjon.

Flybussar (avgangar merkte med FB)

Flybussar i Bergen, Førde og Sogndal

Flybussen i Bergen (FB50/FB51)

Bussruter til og frå Bergen Lufthavn Flesland blir køyrde av Flybussen. Bussen går til/frå Bergen sentrum og Åsane, via Knappetunnelen og Fyllingsdalen. Du finn informasjon om rutetider, haldeplassar, pris og billettkjøp på flybussen.no

Kaibussen ved Bergen lufthavn (FB55)

Bussen går mellom Bergen lufthavn og Flesland kai, og blir køyrd av Flybussen. Du finn informasjon om rutetider, haldeplassar, pris og billettkjøp på flybussen.no.

Flybussar i Førde og Sogndal

Rutetabellar

FB58 Sogndal-Sogndal lufthamn Haukåsen

FB59 Førde-Førde lufthamn Bringeland
Sjå reiseplanleggar for oppdaterte tider.

Du finn alltid oppdaterte tider i reiseplanleggaren på nett og i appen Skyss Reise.

Prisar og billettar
Flybussane til/frå Førde lufthamn Bringeland og Sogndal Lufthamn Haukåsen har eigne prisar og reglar.

På reiser med flybussen som startar eller sluttar på flyplassen gjeld følgande:

Enkeltbillettar for vaksen kostar 150 kroner. Enkeltbillettar for barn, honnør og militær kostar 75 kroner.
Du kjøper billett om bord på bussen, der du kan betale med kontantar eller med bankkort.
30-dagars ungdomsbillett kan brukast som billett.

Merk: Familierabatt, grupperabatt og reiserabatt gjeld ikkje.

På korte reiser med flybussen som ikkje startar eller avsluttar på flyplassen gjeld følgande reglar:

Du betaler vanleg enkeltbillettpris for ei sone.
Du kan bruke ungdomsbillett og periodebillettar (7-, 30- og 180-dagarsbillett).

Meir informasjon om å reise kollektivt til og frå flyplassar i Vestland finn du her.

Andre busstilbod

FlixBus:
FlixBus køyrer mellom Bergen og Stavanger. På desse avgangane gjeld eigne prisar og reglar. Du finn informasjon på FlixBus.no

Bussar til og frå andre fylke

Innlandet, Innlandstrafikk:
På bussar som vert køyrde av Innlandstrafikk, til og frå Innlandet fylke, gjeld Innlandstrafikk sine prisar og billettar. Sjå innlandstrafikk.no for meir informasjon.

Rogaland, Kolumbus:
På Kolumbus sine bussar gjeld eigne prisar og billettar. Sjå kolumbus.no for meir informasjon.

Møre og Romsdal, Fram:
På Fram sine ruter til og frå Møre og Romsdal fylke, gjeld Fram sine prisar og billettar. Sjå frammr.no for meir informasjon.

Linje 180 og 181 – reiser mellom Vestland og Møre og Romsdal
Busslinjene 180 Stryn–Ålesund og 181 Nordfjordeid–Folkestad køyrer mellom Vestland og Møre og Romsdal. På desse linjene gjeld både Skyss og Fram sine billett- og prisreglar, avhengig av kvar du reiser.

Felles reglar for begge linjene:

Ved reiser i Vestland kan du kjøpe billett hos Skyss – i appen Skyss Billett, på skyss.no, med SMS eller om bord.
Ved reiser i Møre og Romsdal kjøper du billett hos Fram eller om bord.
Ved reiser som kryssar fylkesgrensa, må du kjøpe billett hos Fram eller om bord.

Kor langt Skyss-billetten gjeld:
Linje 180 Stryn–Ålesund: Skyss sine billettar og prisar gjeld til og frå Kjøs bru.
Linje 181 Nordfjordeid–Folkestad: Skyss sine billettar og prisar gjeld til og frå Stigedalshytta.

Ver merksam på at desse linjene har nye rutenummer. Linje 180 Stryn–Ålesund var fram til 23. juni del av linje 110 Førde–Stryn–Ålesund. Linje 180 var fram til 23. juni Fram si linje 351.

Ekspressbåtruter Bergen–Sogn og Bergen–Nordfjord

På ekspressbåtrutene mellom Bergen–Sogn og Bergen–Nordfjord gjeld eigne prisar, rabattar og billettar, som du finn på norled.no. Du kan bestille billettar direkte på booking.norled.no

Billettar frå appen Skyss Billett og Skyss nettbutikk som gjeld på strekningar mellom Florø og Måløy, er gyldige også på linje 190 Bergen–Nordfjord.

Båt i Hordaland

Båtruter i Hordaland med eigne prisar

For båtruter som ikkje blir opererte av Skyss, gjeld eigne prisar og reglar. Dette gjeld

Båtrutene Rosendal-Bergen og Reksteren-Våge-Os. Du finn informasjon på rodne.no.
Båtrutene Espevær-Eidesvik og Hellesøy-Lyngøy-Hernar. Du finn informasjon på gulenskyss.no.
Turistruta Norheimsund–Eidfjord i Hardanger. Du finn informasjon på norled.no.
Osterfjorden båtrute. Du inn informasjon på osteroy-ferjeselskap.no.

Bruk av Skysskort

Du kan bruke Skysskort på desse båtrutene:

Her kan du ikkje bruke Skysskort:

Tog

Du kan bruke utvalde Skyss-billettar på reiser med lokaltog mellom Bergen og Arna/Trengereid, og mellom Bergen og Voss stasjon. Hugs at du må vise kvittering for gyldig billett til konduktør. Les meir om tog her.

Serviceskyss i Sogn og Fjordane

Serviceskyss er er eit tilbod med bestillingsbuss langs faste strekningar til faste tider, men berre dersom ruta er bestilt. Tilbodet finn du i fleire av kommunane i Sogn og Fjordane.

Informasjon om rutene og korleis du bestiller, finn du under kommunen din.

Andre lokale reisetilbod

Beffen:
Beffen er namnet på ulike båtruter i hamnebassenget i Bergen. Informasjon om billettar og prisar finn du her.

Ulriken:
Gondolbana Ulriksbanen i Bergen går mellom Haukelandsbakken, over Haukeland Universitetssykehus, og til toppen av fjellet Ulriken. Informasjon om billettar og prisar finn du her.

Bergenskortet

Bergenskortet er godt eigna for turistar og gir deg fri reise med Skyss sine bussar i Vestland, Bybanen i Bergen og båtrutene Askøybåten og Nordhordlandsbåten. I tillegg får du fri inngang eller rabatt til ei rekke museum, attraksjonar, kulturtilbod, ulike sightseeingtilbod, restaurantar og parkering.

Informasjon om Bergenskortet