214 klimamillionar til hurtigbåt
Vestland fylkeskommune har fått 213,9 millionar kroner i støtte frå Miljødirektoratet gjennom Klimasats-ordninga.
Midlane skal gå til å redusere klimautslepp frå hurtigbåtruter i Sunnhordland, noko som legg til rette for at det blir mogleg med hybridelektrisk drift i neste kontraktsperiode frå 2028.
– Dette er eit viktig steg for meir berekraftig hurtigbåttrafikk, seier Målfrid Vik Sønstabø, direktør i Skyss.
Hurtigbåtar har høge utslepp per passasjerkilometer, og elektrifisering krev både ny teknologi og store investeringar i ladeinfrastruktur og energieffektive løysingar.
Skyss er midt i prosessen med planlegginga av båtruta frå neste kontraktsperiode, og detaljar om løysinga er ikkje klåre enno. Tilrådingar frå Skyss vil bli lagt fram for politisk behandling.
(Foto: Skyss)
Publisert:
Oppdatert: