Skyss er eit kompetanseorgan for mobilitet og kollektivtrafikk. Vi står bak det offentlege tilbodet med buss, bybane, båt og ferje i Vestland fylke, og vi vidareutviklar mobilitetstenester. Vi er stolte av å vere ein av landets leiande mobilitetsaktørar. Skyss går i tet med å ta i bruk ny teknologi for meir berekraftig mobilitet.

Vi har om lag 100 engasjerte tilsette med bakgrunn frå mellom anna juss, økonomi, pedagogikk, marknadsføring, leiing, rådgiving, statsvitskap, geografi, ingeniørfag og informatikk. Dette gir oss kunnskapsrike team med brei kompetanse, og mykje tverrfagleg samarbeid både internt og eksternt.

• Les meir om kven Skyss er og kva vi har ansvar for
• Strategien vår (pdf)

Ledige stillingar i Skyss

Rådgjevar

Vil du bli ein nøkkelperson i vidareutviklinga av Skyss? Vi er på jakt etter ein erfaren rådgjevar som kan bidra til å styrke evna vår til å levere på strategiske mål i samsvar med fagstrategi og relevante målbilde. Relevante kvalifikasjonar kan vere høgare utdanning innan organisasjon og leiing og erfaring med utviklingsarbeid. Som person ønsker vi at du jobbar sjølvstendig og har sterk gjennomføringsevne, og at du er god til å samarbeide med andre.

Les meir og søk på stillinga her (webcruiter.no)

Søknadsfrist: 19.12.2025

Leiar for skoleskyss

Kvar dag sikrar vi at 27 000 elevar i Vestland fylke får skoleskyss til og frå skolen. Til denne viktige tenesta har Skyss ei eiga faggruppe, og denne gruppa treng no ein ny leiar som kan styrke og vidareutvikle arbeidet vårt med skoleskyssen. Hovudansvaret vil vere å leie faggruppa, planlegge aktivitetar og følge opp leveransar, og å drive systematisk utviklings- og forbetringsarbeid. Relevante faglege kvalifikasjonar er høgare utdanning innan juss eller økonomi, og det er ønskeleg at du har leiarerfaring.

Les meir og søk på stillinga her (webcruiter.no)

Søknadsfrist: 23.12.2025