Jobbe i Skyss?

Skyss er eit kompetanseorgan for mobilitet og kollektivtrafikk. Vi står bak det offentlege tilbodet med buss, bybane, båt og ferje i Vestland fylke, og vi vidareutviklar mobilitetstenester. Vi er stolte av å vere ein av landets leiande mobilitetsaktørar. Skyss går i tet med å ta i bruk ny teknologi for meir berekraftig mobilitet.

Vi har om lag 100 engasjerte tilsette med bakgrunn frå mellom anna juss, økonomi, pedagogikk, marknadsføring, leiing, rådgiving, statsvitskap, geografi, ingeniørfag og informatikk. Dette gir oss kunnskapsrike team med brei kompetanse, og mykje tverrfagleg samarbeid både internt og eksternt.

• Les meir om kven Skyss er og kva vi har ansvar for
• Strategien vår (pdf)

Ledige stillingar i Skyss

Seniorrådgjevar forretningsutvikling

Skyss jobbar for eit grønare samfunn der fleire skal kunne leve utan eigen bil. Vi har ledig ei stilling som forretningsutviklar som skal legge til rette for nye løysingar og ny teknologi som gjer dette mogleg. Stillinga inneber utvikling av nye tenester og forvaltning av eksisterande løysingar, mellom anna bestillingstransport.

Vi ser etter deg som evnar å tenke heilskapleg og strukturert i arbeidet med tenesteutvikling. Du har god prosessforståing og er ein pådrivar som får andre med deg heilt i mål. Du vil inngå i ei faggruppe for forretningsutvikling som har ansvar for nye mobilitetstenester, inntekter, pris, produkt og digitale kundeløysingar.

Les meir og søk på stillinga her (webcruiter.no)

Søknadsfrist 15. september 2025

Kundebehandlar  –  spesialkonsulent 

Vil du gi dei kollektivreisande i Vestland gode kundeopplevingar? Er du glad i kundekontakt og trivast i ein hektisk arbeidskvardag? Vi har ei ledig stilling som kundebehandlar og ser etter deg som har ei utprega serviceinnstilling og gode kommunikasjonsevner. Kundebehova endrar seg,  og sjølv om bruk av digitale kanalar aukar, så aukar også etterspurnaden etter god service i tradisjonelle kanalar som telefon, kundesenterskranke og skriftlege førespurnader. Vi kan tilby ei spennande stilling og eit engasjert arbeidsmiljø med hyggelege kollegaer.

Les meir og søk på  stillinga her (webcruiter.no)

Søknadsfrist 25. september 2025

Rådgjevar/seniorrådgjevar miljøteknologi

Vil du spele ei nøkkelrolle i det grøne skiftet? Skyss har kome langt med elektrifisering av buss, båt og ferje, men det er stadig nye utfordringar som må løysast! Vi søker ein ny rådgjevar som skal ha hovudvekt på omlegging til låg- og nullutsleppsløysningar og skal bidra til at Skyss tar nullutsleppsløysingar i bruk på berekraftig og kundevenleg vis. Vi ser etter deg som har god teknisk forståing, erfaring med utviklingsarbeid og anskaffingsprosessar, og som har eit hjarte for for klima og miljø. I dette arbeidet vil du møte komplekse, tverrfaglege utfordringar og mange aktørar internt og eksternt.

Les meir og søk på stillinga her (webcruiter.no)

Søknadsfrist 29. september 2025