Ferja Krokeide–Hufthamar får fleire avgangar og betaling for køyretøy
Frå 1. november får ferjesambandet Krokeide–Hufthamar fleire avgangar om natta og i helgene. Passasjerar reiser framleis gratis, medan køyretøy må betale med AutoPASS. Prisane blir lågare enn sist det var betaling på ferja.
Styrka rutetilbod
Det blir fleire avgangar om natta og i helgene. Reiseplanleggaren er oppdatert.
Her er ny rutetabell som gjeld frå 1. november (pdf)
Betaling for køyretøy
Dette betyr det for deg som reiser med ferja:
- Reiser du utan bil eller er passasjer i bil, treng du ikkje gjere noko.
- Har du med køyretøy, betaler du med AutoPASS. Når du køyrer om bord blir skiltet på køyretøyet ditt lest av, og det blir sjekka om du har AutoPASS-avtale for ferje. Dersom du ikkje har AutoPASS får du faktura.
Maksimal rabatt får du med AutoPASS-forskotsavtale for ferje.
Priseksempel for køyretøy inntil 6 meter
| Ikkje nullutslepp | Nullutslepp | ||
| Forskotsavtale | Ikkje forskotsavtale | Forskotsavtale | Ikkje forskotsavtale |
| 54 kr | 107 kr | 38 kr | 75 kr |
Her er alle prisane for Krokeide–Hufthamar som gjeld frå 01.11.2025.pdf
Om få dagar finn du også alle prisane på AutoPASS-ferje
Publisert:
Oppdatert: