Personvernerklæring for Skyss-appen

Når du bruker Skyss-appen kan du velje at reisa di i praksis er anonym for Skyss og få tilgang til basisfunksjonar som reisesøk og billettkjøp. Dette gjeld sjølv om du registrerer betalingsinformasjonen din til seinare bruk. Årsaka er at det er betalingstenestene, og ikkje Skyss, som lagrar bankkort og/eller kontodetaljane dine. 

Du kan også leggje inn opplysningar om heim og jobbadresse (favorittar). Desse blir berre lagra i appen når du ikkje registrerer deg. 

Formål med behandlinga 

Skyss behandlar personopplysningar som Ip-adresse og GPS-posisjon for å kunne svare på førespurnader du gjer frå appen om reisesøk og billettkjøp. 

Skyss behandlar opplysningar om kva kommunar eller grunnkrinsar du er i for å kunne tilby deg funksjonalitet vi testar eller tilbyr i dei geografiske områda du reiser. 

Rettsleg grunnlag 

Rettsleg grunnlag for behandlinga er at vi skal oppfylle avtalen om billettering og, dersom du ønskjer det, reisesøk med deg. 

Dette behandlar vi 

• Kortvarig behandling av IP adresse når mobiltelefonen din sender ein førespurnad om billett eller annan informasjon til systemet vårt. 

• Kortvarig behandling av GPS posisjon, for å kunne vise deg vegen til næraste stoppestad, dersom du vel å aktivere denne funksjonen. 

• Kortvarig behandling av GPS posisjon, for å kunne vise deg vêrmeldinga. 

• Kortvarig og lokal behandling av GPS posisjon på telefonen din for å avgjere kva for nokre større geografiske område du reiser i. Skyss vil ikkje vite din nøyaktige posisjon, men kva kommunar eller grunnkrinsar du reiser i og kor ofte du opnar Skyss -appen i dei gitte områda. Slik vil Skyss kunne tilby deg funksjonalitet eller tenester som er tilgjengeleg der du reiser. 

• Informasjon om einingsprodusent (t.d. Apple, Samsung, osb), operativsystem og versjon (t.d. iOS 15.1), og kva versjon av Skyss -appen du nyttar (t.d. v6.2.3). Dette blir behandla for å kunne gi deg raskare hjelp dersom du kontaktar kundesenteret vårt. 

• Tidsstempel for når eininga tok i bruk appen første gong, og dessutan siste gong eininga opna appen. Dette blir behandla for å raskare avdekkje feilkjelder ved behov, og for å vite kva eining vi skal sende varsel til dersom vi har behov for det. 

• Pushvarsel nøkkel for å kunne sende viktige varslar til eininga. 

• Offentleg krypteringsnøkkel for å kunne kryptere data som berre er berekna for den spesifikke eininga, til dømes kontrollkode til billetten. 

Vi behandlar berre opplysningane dine der det må til for å oppnå det formålet vi har beskrive ovanfor. IP adresse og GPS posisjon vil ikkje bli knytt til deg som kunde. Med kortvarig behandling siktar ein til kortvarig prosessering for å kunne levere tenesta utan å lagre data. 

Tilgang og bruk 

Ip-adresse og GPS posisjon er i praksis ikkje tilgjengeleg for tilsette i Skyss. Dei blir berre lagra i få sekund i dei tekniske systema våre, og blir sletta straks. 

Du har rett til innsyn i, retting, dataportabilitet og sletting av opplysningar som er lagra om deg. Vi kan likevel ikkje gi deg innsyn i IP adresser og lokasjondata då vi ikkje lagrar dette. Men vi kan gi deg ei stadfesting på at behandlinga vår er i samsvar med den måten vi har beskrive i denne erklæringa. 

Ettersom vi ikkje lagrar personopplysningane dine, kan dei heller ikkje leverast ut til ein tredjepart. 

Lagring og sletting 

Ip-adresse og GPS-posisjon blir ikkje lagra og blir sletta straks. 

Skyløysingar 

Via tenesteleverandøren vår bruker vi Amazon Web Services (AWS) til skylagring av opplysningar. Opplysningar blir lagra innanfor EU. All datatrafikk går føre seg over ei sikker tilkopling (HTTPS). Det er avgrensa tilgang til opplysningane. 

Tilgangar på telefonen 

For at Skyss-appen skal fungere optimalt må appen ha tilgangar til enkelte funksjonar på telefonen din. Du kan velje å skru av desse tilgangane og framleis bruke appen, men enkelte funksjonar vil då anten ikkje vere tilgjengelege eller ikkje fungere optimalt. Du skrur av tilgangane i innstillingane på telefonen din. 

Når du deler din posisjon i appen er det i utgangspunktet sjølve appen som veit kvar du er, Skyss lagrar berre opplysningane for å svare på reisesøk automatisk, og deretter blir dei sletta. Skyss og våre tilsette vil verken sjå eller lagre data om rørslemønsteret ditt. 

Tilgangar for iPhone 

Stad
Brukes for å finne posisjonen din, slik at du kan få opp stoppestader i nærleiken, sjå i kartet der du er, sjå vêrmeldinga, få søkjeresultat sortert etter kvar du er, finne reiser til eller frå der du er og for å kunne tilby deg stadsspesifikke funksjonar og tenester. Du kan søkje på haldeplassar og adresser sjølv om stadstenester er slått av. 

Varslingar
Brukes for å sende varslingar av avvik og før utløp av billettar og betalingskort. Er varslingar avslått, kan du framleis kjøpe billett og sjå avvik i appen. 

Kamera
Brukes for å leggje inn kortopplysningar ved kjøp av billett om du ikkje ønskjer å taste inn kortdetaljane manuelt. 

Bakgrunnsoppdatering
Brukes for å kunne sende varslar til appen. 

Mobildata
Brukes for å kommunisere med Skyss ved bruk av appen. Du treng å ha på mobildata eller vere knytt til wifi for å utføre handlingar i appen. 

Ønskjer du å slå av tilgangar, gjer du dette under Skyss frå innstillingane på telefonen din. 

Tilgangar for Android 

Få tilgang til nøyaktig posisjon (GPS- og nettverksbaserte) 

Blir brukte for å finne posisjonen din, slik at du kan få opp stoppestader i nærleiken, sjå i kartet der du er, sjå vêrmeldinga, få søkjeresultat sortert etter kvar du er, finne reiser til eller frå der du er og for å kunne tilby deg stadsspesifikke funksjonar og tenester. Du kan søkje på haldeplassar og adresser sjølv om stadstenester er slått av. 

Få data frå internett
Blir brukte for å kommunisere med Skyss ved bruk av appen. Du treng å ha på mobildata eller vere knytt til wifi for å utføre handlingar i appen. 

Sjå nettverkstilkoplingar
Brukast til umiddelbare feilmeldingar viss nettverket er nede. Dette for at du skal få rask beskjed, og ikkje vente unødvendig lenge. 

Kamera
Brukes for å leggje inn kortopplysningar ved kjøp av billett om du ikkje ønskjer å taste inn kortdetaljane manuelt. 

Ønskjer du å slå av tilgangar, gjer du dette frå innstillingar på telefonen din. 

Statistikk og diagnostikk
Vi ønskjer å gjere Skyss -appen betre, og bruker Amplitude for å samle anonym brukarstatistikk til analyseformål og Datadog for å samle anonym diagnostikk om bruk av tenesta for intern kvalitetssikring. I samband med dette behandlar Skyss Ip-adresse, som ikkje blir lagra og blir sletta straks etter bruk. Informasjon om bruken din av appen vil ikkje kunne knytast til deg. 

Behandlinga er nødvendig for å vareta ei rettmessig interesse for å forbetre og vidareutvikle våre tenester i appen. 

Personvernerklæring for abonnement
Her finn du informasjon om korleis Skyss behandlar personopplysningane dine når du vel å inngå eit abonnement på periodebillett på Skyss -appen. 

Vi behandlar personopplysningane dine knytte til Skyss -profilen din i samsvar med personvernerklæringa for SkyssProfil, og du har dei same rettane som er beskrivne der. 

Formål 

Formålene med behandlinga av personopplysningane er: 

• Tilby automatisk fornying av 30-dagersbilletten og kundeoppfølging i samband med dette

• Samle innsikt om bruk og behov for å forbetre tenesta

• Etterleve lovkrav om rekneskapsføring 

Rettsleg grunnlag 

Rettsleg grunnlag for behandling av personopplysningar tilknytt abonnement på 30-dagersbilletten er at det må til for å oppfylle avtalen. 

For behandling av opplysningar knytte til lovkrav om rekneskapsføring, er det rettslege grunnlaget at behandlinga er nødvendig for å oppfylle dei rettslege forpliktingane våre etter rekneskapslova og bokføringslova. 

For å kunne tilby abonnementstenesta er det nødvendig å behandle følgjande opplysningar: 

• Betalingskort. Blir lagra så lenge du har betalingskortet registrert på profilen for å gjennomføre betaling for periodebilletten. 

• Salsopplysningar. Lagring av betalingshistorikk i samsvar med krava i rekneskapslova. Blir lagra i 5 år. 

• Telefonnummer. Blir lagra for å sende varsel om betaling og gjennomføre betalinga på angitt dato. Blir lagra så lenge du har Skyss-profil tilknytte telefonnummeret 

• Fornyelsesdato for abonnementet. Sende varslar om betaling og gjennomføre betalinga på angitt dato, blir lagra så lenge du har eit gyldig abonnement. 

• Informasjon om avslutning av abonnement. Sende deg sms-varsel om, og gjennomføre avslutning av abonnement. Blir lagra i 7 dagar. 

• Varsel som vart sendt til deg, tidspunktet det vart sendt og for kva abonnement. Blir lagra slik at kundebehandlar kan hjelpe kunden ved førespurnader, blir lagra i 1 år. 

• Vi behandlar berre anonyme opplysningar som ikkje kan knytast til deg når vi utarbeider innsikt og statistikk for å forbetre våre tenester.