Vi behandlar personopplysningane dine knytte til Skyss-profilen din i tråd med personvernerklæringa for Skyssprofil, og du har dei same rettane som er skildra der.

Føremål

Føremåla med behandlinga av personopplysningane er:

• Å tilby automatisk fornying av 30-dagarsbilletten og kundeoppfølging i samband med dette

• Å samle innsikt om bruk og behov for å forbetre tenesta

• Å oppfylle lovkrav om rekneskapsføring

Rettsleg grunnlag

Det rettslege grunnlaget for behandling av personopplysningar knytte til abonnement på 30-dagarsbilletten er at behandlinga er nødvendig for å oppfylle avtalen.

For behandling av opplysningar som er nødvendige for å oppfylle lovkrav om rekneskapsføring, er det rettslege grunnlaget at behandlinga er nødvendig for å oppfylle våre rettslege plikter etter rekneskapslova og bokføringslova.

For å kunne tilby abonnementstenesta er det nødvendig å behandle følgjande opplysningar:

Opplysning	Behandling	Lagringstid
Betalingskort	Gjennomføre betaling for periodebilletten	Så lenge du har betalingskort registrert på profilen
Salsopplysningar	Lagring av betalingshistorikk i samsvar med krava i rekneskapslova	5 år
Telefonnummer	Sende varsel om betaling og gjennomføre betalinga på oppgitt dato	Så lenge du har Skyss-profil knytt til telefonnummeret
Fornyingsdato for abonnementet	Sende varsel om betaling og gjennomføre betalinga på oppgitt dato	Så lenge du har eit gyldig abonnement
Informasjon om avslutting av abonnement	Sende deg SMS-varsel om, og gjennomføre, avslutting av abonnement	7 dagar
Varsel som blei sendt til deg, tidspunktet det blei sendt og kva abonnement det gjeld	Lagrast slik at kundebehandlar kan hjelpe kunden ved førespurnader	1 år

Vi behandlar berre anonyme opplysningar som ikkje kan knytast til deg når vi utarbeider innsikt og statistikk for å forbetre tenestene våre.