Avtalevilkår for bruk av Skyss-appen

Når du lastar ned og aktiverer Skyss-appen inngår du ein avtale med Skyss og godtek vilkåra og vilkåra på denne sida. Vi tilrår at du set deg inn kva som er ditt ansvar, så unngår du gebyr i ein billettkontroll. Ved all bruk av Skyss sine tenester gjeld reisevilkåra våre. 

Gå til Skyss sine reisevilkår 

Generelt 

Med Skyss-appen kan du planleggje reisa med oss, kjøpe billettar og nytte deg av tilknytte tenester. 

I appen kan du: 

Gjere reisesøk
Kjøpe billett
Lagre favorittstader
Lagre kjøpshistorikk 

Skyss kan lagre data som ikkje kan knytast til deg om bruken av appen slik at vi kan finne feil eller manglar, måle bruk og vidareutvikle tenesta.  

Les meir om dette i personvernerklæringa for Skyss-appen. 

Om du vel å opprette en profil, kan du lese meir om vilkåra for dette her: 
Personvernerklæring for Skyss. 

Vilkår for bruk av appen 

Gyldige mobilbillettar frå Skyss får du berre kjøpt i den offisielle skyss-appen og Ruterbillett-appen , og dessutan i Vys, Brakars og Enturs offisielle appar. I tillegg gjeld følgjande vilkår: 

Det er ikkje tillate å endre eller manipulere fast innhald på applikasjonen. 

Alle forsøk på å attskape den opphavlege kjeldekoden til programvare (kjent som reverse engineering) er strengt forboden. 

Skyss sine billettar og/eller data som Skyss gjer tilgjengeleg, skal ikkje kopierast, overførast, omsetjast og/eller distribuerast på nokon måte. 

Billettering 

Dersom du skal kjøpe billett må du: 

Ha tilstrekkeleg dekning under kjøpsprosessen slik at du får kjøpt billett. 

Ha på datatrafikk ved billettkontroll, slik at du får vist dagens bilete og kontrollkode til billettkontrolløren. 

Ha nok pengar på eit eventuelt kontantkort slik at dagens bilete og kontrollkode kan lastast ned. 

Du må ha gyldig billett for reisa før du går om bord. Du kan gå om bord, eller inn i ei kontrollsone, når billetten har status «Stadfesta - Påstiging tillate».  

Les meir i våre transportvedtekter 

 Mobiltelefonen, nettbrettet eller liknande må også: 

Fungere normalt med ein skjerm som er leseleg 

Ha nok batteri så lenge reisa di varer slik at du kan vise gyldig billett. 

Om du ikkje kan vise billetten din, blir det rekna som å reise utan gyldig billett. Kjøpar du billett til andre på mobilen din må de reise saman, slik at du kan vise fram gyldig billett for alle. 
 
Les mer om vilkår for Skyss sine billetter 

Misleghald 

Dersom vilkåra i bruk av Skyss-appen ikkje blir overhaldne kan Skyss sperre appen for vidare bruk. Skyss vil i samband med dette refundere eventuelle uteståande rettmessige krav. 

Ved bruk av appen i strid med vilkåra her, eller anna misbruk av appen er du ansvarleg for økonomisk tap som Skyss blir i samband med dette påført. 

Sist revidert: 04.09.2025