Skysskortet er det nye reisekortet i Hordaland. Skysskortet kjem i staden for alle gamle busskort og skal bli det einaste gyldige reisekortet i Hordaland. Skysskortet vil også gjelde for Bybanen i Bergen.

Personleg og anonyme kort

Skysskortet finst som både personleg og anonymt kort. Det personlege Skysskortet er registrert på namn og gir deg rett til å kjøpe personlege reiseprodukt som PeriodeSkyss og UngdomSkyss. I tillegg kan du fylle på kontantar på Skysskortet, det vil seie KontantSkyss. Skyss refunderer verdien på kortet viss det blir øydelagt eller stole, etter gjeldande reglar.

På det anonyme Skysskort er det ikkje muleg å få personlege reiseprodukt. Du kan fylle på kontantar, KontantSkyss, og kortet kan ha fleire brukarar. Ved tap av anonymt Skysskort vil ikkje verdien på kortet bli refundert.

Skysskortet blir tilsendt gratis etter bestilling og reiseprodukt må kjøpast på kortet i etterkant.

Bestill Skysskortet her

Gamal profil:

Ny profil:

NB! BEGGE DESSE KORTA ER GYLDIGE! 

Korleis bruke Skysskortet

Skysskortet blir lest av når du held det inntil kortlesaren (validatoren). Alle bussar har kortlesar ved inngang framme, og mange har også kortlesar ved bakre inngang. Dersom du har gyldig reiseprodukt på kortet, kjem to korte kvitterings-lyder. Ved bruk av KontantSkyss må du venda deg til sjåfør og sei kor du ønsker å reise.

Kjøp, aktivering og påfylling

Skysskortet kan fyllast på om bord i bussane, hos kundesenteret på Bergen Storsenter, eller på våre utsalgsstader. Du kan framleis kjøpe enkeltbillettar hos sjåfør utan Skysskortet. Seinare vil det komme automatar for kjøp og påfylling, dessutan muligheit for å fylle på kortet på skyss.no.

Det er muleg å kjøpe reiseprodukt og seinare aktivere produktet. Alle reiseprodukt må aktiverast innan 30 dagar. På denne kvitteringen står det påført utløpsdato for produktet du har aktivert. Du kan for eksempel fornye PeriodeSkyss 30 dagar før utløpsdato, eller du kan kjøpe UngdomSkyss på ein fredag og aktivere det på måndagen.

Dersom du går på bussen med eit produkt som ikkje er aktivert, har du ikkje eit gyldig reiseprodukt. Du vil få opp spørsmål på billettmaskinen om du ønskjer å aktivere produktet ditt. Ved overgang til andre bussar som ikkje har nytt billettsystem fungerer aktiveringskvitteringen som gyldig reisebevis.

OBS: Sjølvstendig kortlesar gir ikkje ut papirkvittering. Vend deg til sjåfør for å få aktiveringskvittering.

Gyldig reisebevis og kontroll

Du må alltid ha med deg gyldig reisebevis. Reisebevis er:

•Gyldig reiseprodukt (enten på ditt Skysskort eller som papirbillett) og

•Gyldig legitimasjon (ved bruk av personleg Skysskort) og

•Gyldig dokumentasjon for at du har krav på rabatt (studentbevis/honnørbevis etc.) dersom du reiser med rabatterte reiseprodukt
 

Du er sjølv ansvarleg for å ha med gyldig reisebevis under heile reisa. Dersom du ikkje kan vise gyldig reisebevis ved kontroll, må du betale ein tilleggstakst på kr 750,-. Forsøk på forfalsking av reisebevis er straffbart. Forfalskingsgebyret er på kr 1500,-. Ugyldig reisebevis må leverast inn.