Elevar som har rett på skoleskyss, får eige skoleskysskort. Kortet gjeld på strekninga mellom heim og skole og gir rett til to turar (inkludert overgang) i tida mellom 05.00 og 19.00 (vidaregåande til kl 23.00).

Rett på skoleskyss

Grunnskolen
Du har rett på fri skoleskyss dersom:
• Du har meir enn 4 km reiselengde til skolen. For førsteklassingar er avstanden 2 km.
• Du på grunn av funksjonshemming, skade eller sjukdom har behov for skyss, uavhengig av avstanden mellom heimen og opplæringsstaden.
• Du har særleg farleg eller vanskeleg skoleveg, uavhengig av veglengde mellom heimen og opplæringsstaden. 
• Det er nødvendig med båttransport, utan omsyn til reiselengde mellom heimen og opplæringsstaden.

Vidaregåande skole
I Hordaland nyttar elevane som hovudregel UngdomSkyss til skoleskyssen. Dette gjeld også elevar med avstand mellom heim og skole på over 6 km, og som ikkje er fylt 16 år. Det betyr at funksjonsfriske elevar under 20 år, som bur innanfor definerte område med tilfredsstillande kollektivtilbod på fritida, ikkje har rett på gratis skolereisekort. Dei må løyse UngdomSkyss om dei ønskjer skyss. 

Dersom du har meir enn seks kilometer avstand mellom heim og skole, har du rett på fri skoleskyss viss du:
• Du er over 20 år
• Eller bur i et område med definert lavt rutetilbod

Skoleskyssordninga dekker ikkje:
• uregelmessig transport i forbindelse med til dømes utplasseringar, ekskursjonar og tentamen etc. i skoletida.
• Skyss av elevassistentar.
• Reiser på ferie- og fridagar.

Ver merksam på:
• at du må gi beskjed til skolen ved varig endring av reisestrekninga di.
• at skolen eller kommunen har nærmare reglar for skoleskyss og førebels skyss.

Særskilt skyss

Elevar med funksjonshemming, skade eller sjukdom, som har behov for skyss, har rett til det uavhengig av avstanden mellom heimen og opplæringsstaden.
Søknader om særskild skyss skal gjerast elektronisk via
www.hordaland.no/skoleskyss.

Har du spørsmål om skoleskyss, ta kontakt med skolen din.