Frå 1. januar 2012 vil det i endå større grad løna seg å bruke Skysskortet når du reiser kollektivt i Hordaland.
Det blir ingen endringar i prisen når du bruker Skysskortet ditt og har reiseprodukta PeriodeSkyss, UngdomSkyss eller FleksiSkyss for vaksen. Prisen for EnkeltSkyss betalt utan KontantSkyss (Skysskort) aukar.
Sjå dei nye prisane her
Detaljar om endringane:
EnkeltSkyss:
- EnkeltSkyss betalt utan KontantSkyss aukar med 8 % (f.eks: frå kr. 25,- til kr. 27,- for vaksen og frå kr. 13,- til kr. 14,- for barn/honnør)
- Uendra pris for EnkeltSkyss vaksen betalt med KontantSkyss - auka rabatt frå 17 % til 23 %
- Uendra pris for EnkeltSkyss student (gjeld reiser gjennom minst 7 soner) - auka rabatt frå 17 % til 23 %
- Uendra pris for grupper - auka rabatt frå 17 % til 23 %
FleksiSkyss vaksen:
- Prisen for FleksiSkyss vaksen er uendra
- Rabatten for FleksiSkyss vaksen aukar frå 17 % (12 reiser for prisen av 10) til 23 % (12 reiser for prisen av om lag 9 reiser)
FleksiSkyss barn/honnør:
- Prisen for FleksiSkyss barn/honnør er framleis prisen for 10 EnkeltSkyss barn/honnør
- Prisen for FleksiSkyss barn/honnør aukar med 8 % som er tilsvarande prisauken for EnkeltSkyss
Aldersgrense student:
- Ny øvre aldersgrense - til og med 32 år
PeriodeSkyss buss/tog 30 dagar
- Vil no òg vere tilgjengeleg for barn i tillegg til vaksen og student
- Som følgje av at NSB justerer sine prisar 1. februar 2012 vil PeriodeSkyss buss/tog auke med i gjennomsnitt 2 % frå same dato