Ofte stilte spørsmål

• Skysskortet og billettautomatane

  • Kva er Skysskortet?

    Skysskortet er eit reisekort som gjeld på følgjande transportmiddel i Hordaland:

    • Alle Skyss-bussar
    • Bybanen
    • ”Snarveien” (båtruta mellom Askøy og Bergen)
    • Hardangerfjordekspressen (båtruta mellom Rosendal og Bergen)

  • Kva er fordelane med Skysskortet?

    Skysskortet gjør det enklare og billigare å reise kollektivt – i heile Hordaland.
    Det ligg til rette for gjennomgåande, samordna billettering i fylket.
    

  • Kva er forskjellen på eit personleg Skysskort og eit anonymt Skysskort?

    Det personlege Skysskortet er registrert på namn og kan bare nyttast av deg. Du kan berre ha eitt personleg Skysskort og du kan kjøpe alle typar reiseprodukt på dette kortet. I tillegg kan du fylle på kontantar, det vil si KontantSkyss. Skyss refunderer verdien på kortet etter gjeldande reglar viss det blir øydelagd eller stole.

    Det anonyme Skysskortet er ikkje registret på namn. Du kan ha fleire anonyme Skysskort og det anonyme Skysskortet kan ha fleire brukarar. Du kan kjøpe FleksiSkyss, DagSkyss, og fylle på KontantSkyss på dette kortet. Ved tap av eit anonymt Skysskort vil ikkje verdien på kortet bli refundert.

    Skyss oppfordrar alle til å skaffe seg eit personleg Skysskort.
    

  • Kvifor kan eg ikkje ha periodeprodukt på anonymt Skysskort?

    Periodeprodukt (PeriodeSkyss og UngdomSkyss) er knytta til ein enkelt person og kan ikkje brukast av andre. Derfor treng du eit personleg Skysskort. Anonyme Skysskort kan ha flerie brukarar. 

  • Korleis skaffar eg meg Skysskortet?

    Du kan bestille Skysskortet direkte via skyss.no eller på kundesenteret på Bergen Storsenter. I tillegg kan du få bestillingsskjema på bussen og hos våre utsalsstader.

    Skysskortet blir sendt per post etter bestilling, og reiseprodukt må kjøpast på kortet i etterkant. Du kan ha fleire produkt på eitt Skysskort.
    
    Dersom du er under 15 år treng vi underskrift frå føresette ved bestilling av personleg Skysskort.
    
    Bestill Skysskort her

  • Kor kan eg fylle på Skysskortet mitt?

    • På bussen
    • På billettautomat
    • På kundesenteret på Bergen Storsenter
    • Andre utsalsstader
      

  • Korleis brukar eg Skysskortet mitt?

    Alle busser har kortlesar ved fremre inngang (hos sjåfør), og mange har i tillegg sjølvbetent kortlesar ved bakre inngang. Bybanen har sjølvbetent kortlesar ved alle dørene. Hald Skysskortet i ro foran kortlesar for å registrere reisa (gjeld òg ved overgang). Dersom du har eit gyldig reiseprodukt på kortet, får du grønt lys.

    Kundar med KontantSkyss må kjøpe gyldig reiseprodukt på førehand. Reisande med buss må gjøre dette hos sjåfør om bord, reisande med Bybanen må gjøre dette på billettautomat.
    

    NB: Sjølvbetente kortlesarar gir ikkje ut papirkvittering. Vend deg til sjåfør eller bruk billettautomat dersom du har behov for aktiveringskvittering (påført ¨gyldig til¨-dato).

  • Kva er gyldig reisebevis?

    Du må alltid ha med deg gyldig reisebevis. Gyldig reisebevis er følgjande:

    • gyldig reiseprodukt (enten på ditt Skysskort, Skyss minikort eller som papirbillett), og
    • gyldig legitimasjon (ved bruk av personleg Skysskort), og
    • gyldig dokumentasjon for at du har krav på rabatt (gyldig studentbevis/honnørbevis etc.) dersom du reiser med et rabattert reiseprodukt.

    Husk å halde Skysskortet/Skyss minikort i ro foran kortlesaren for å registrere kvar reise.
    

  • Treng eg legitimasjon i tillegg til Skysskortet?

    Alle må ha gyldig legitimasjon i tillegg ved bruk av personleg Skysskort for å kunne dokumentere at du er rettmessig eigar av kortet.

    Dersom du har rett på ein av våre rabattar for studentar og vernepliktige, eller rett på honnør u/ 67 år, treng du òg eit tilleggsbevis ved fornying og eventuell kontroll.
    

  • Eg har med mi dotter på 5 år på bussen, reiser ho gratis?

    Ja, men bare dersom du kjøper EnkeltSkyss familie. Ein vaksen eller honnørreisande kan ta med seg eitt barn (f.o.m 4 t.o.m. 15 år) gratis. Reiser du sjølv med PeriodeSkyss gjeld ikkje denne ordninga.
    
    Barn frå og med 4 år og opp til og med 15 år får 50 % rabatt på ordinær vaksenpris. Barn under 4 år reiser gratis.
    

  • I kva område gjeld Skysskortet?

    Skysskortet gjeld i prinsippet bare innanfor Hordaland. Dersom du skal reise utover fylkesgrensa, kan du ikkje bruke Skysskortet.

  • Eg har eit Skysskort som er kvitt og grønt (gammal profil), kan eg bruke dette?

    Ja. Du som har Skysskort med gammal design, treng ikkje å bytte til nytt kort.

  • Kvifor er det ikkje fleire billettautomatar?

    Det vil ta tid før alle automatane vil være installerte. Dei blir satt ut i prioritert rekkefølgje, med dei viktigaste knutepunkta først.
    
    Ferdig utbygd vil vi ha 80+ billettautomatar i drift, hovudsakleg i og omkring Bergen.
    

  • Då eg skulle fornye PeriodeSkyss med 30 dagar belasta billettautomaten kontoen min dobbelt, kva gjør eg?

    Dersom du betalte med bankkort kan følgjande ha skjedd:
    Kortet har ikkje blitt haldt lenge nok mot kortlesaren på automaten etter at betalinga fann stad, for å registre produktet på kortet Dermed vart kjøpsprosessen avbrote. Ved bruk av bankkort/kredittkort, blir beløpet ”reservert” når ein brukar det. Blir handelen avbrote, så blir transaksjonen likevel fullført og beløpet overført. I slike tilfelle blir det reserverte beløpet tilbakeført til kontoen enten same dag, eller innan 3 dagar. Dette skjer fordi kjøpsprosessen vart avbrote. Dersom du ikkje betalte med bankkort, eller ikkje har fått beløpet tilbakeført, ber vi om at du tar kontakt med vårt kundesenter.
    

  • Eg har mista Skysskortet mitt, kva gjer eg?

    Tap eller feil på personlege Skysskort skal meldast til Skyss via dette skjemaet (link til tapsmeldingsskjema). Skyss vil sperre bruken av ditt tapte/øydelagde kort og deretter sende deg eit nytt personleg Skysskort i posten. Reiseprodukta og/eller restverdi knytt til KontantSkyss på det gamle kortet vil bli overført til det nye personlege Skysskortet ditt slik at desse er klare til bruk når du får det nye Skysskortet. Mens du ventar på det nye Skysskortet må du løyse enkeltbillett når du reiser.
    
    Anonyme Skysskort blir ikkje erstatta og skal derfor ikkje meldast inn. 
    

    Klikk her for å melde om tap/feil på Skysskortet ditt

     

• Bybanen

  • Kvar går Bybanen?

    Bybanen går mellom Byparken og Nesttun.

    Sjå linjekart her

  • Kor lang tid bruker Bybanen?

    Bybanen bruker 25 minutt på strekninga Byparken - Nesttun.

  • Kvar stoppar Bybanen?

    Bybanen stoppar automatisk på alle 15 stopp mellom Bergen og Nesttun. Av- og påstiging kan bare skje på haldeplassane.

    Sjå linjekart her

  • Stoppar Bybanen alltid på alle haldeplassar?

    Ja, Bybanen vil alltid stanse på alle haldeplassar. Det er ikkje nødvendig å vinke eller gi stoppsignal når du vil gå av og på, men du må trykke på ein knapp for å opne dørene.

  • Korleis veit eg kva som er neste haldeplass?

    Inne i Bybanen vil namnet på neste haldeplass visast på ei lystavle i taket og annonserast av ei stemme over høgtalar.

  • Kor lang opphaldstid har Bybanen på kvar haldeplass?

    Det er berekna kort tid på haldeplassane, så du bør gå av og på raskt.

  • Opnast dørene automatisk?

    Du må sjølv opne dørene med eigne knappar på innsida og på utsida. Døropnarar er merka som følgjer:

    • Grøn knapp (innvendig) merka ”STOP”. Når du trykker på denne, vil næraste dør opnast automatisk på neste haldeplass.
    • Svart knapp merka < > brukast til vanlig opning.
    • Blå knapp betyr ”Eg treng meir tid” og passar til reisande med til dømes rullestol, barnevogn eller mykje bagasje.
      

  • Kva kostar det å reise med Bybanen?

    Ein enkeltbillett med Bybanen kostar kr 27 pr. person (kr 14 for barn og honnør). Ved bruk av Skysskortet kan du oppnå gode rabattar.

    Les meir om Skysskortet her

    Pris på nattavgangar er kr 60 pr. person (avgangar merka "N").
    

  • Kan eg kjøpe billettar om bord?

    Det er ikkje muleg å kjøpe billettar om bord i Bybanen, så du må betale for reisa før du går om bord. Det er billettautomat på kvar haldeplass.

    Unntak: Billettar med nattakst får du bare kjøpt av billettørar og kostar kr. 60,-. Du kan betale kontant eller med bankkort (BankAxept, Visa og Mastercard).
    

  • Kor kan eg kjøpe billett?

    Det er ikkje sal av billettar om bord på Bybanen, så du må ha kjøpt billett før du går om bord (bortsett frå på nattavgangane). Det er billettautomatar på alle haldeplassar. Du kan også fylle på Skysskortet ditt på bussane og på kundesenteret på Bergen Storsenter.

    Les meir om kva du kan gjøre på billettautomatane her

  • Kan eg bruke Skysskortet på Bybanen?

    Skysskortet kan brukast på Bybanen. Har du eit reiseprodukt på Skysskortet ditt, registrerer du kortet på kortlesaren ved døra når du kjem inn på Bybanen.

    Dersom du ikkje har eit reiseprodukt kan du kjøpe ein enkeltbillett (EnkeltSkyss) på ein billettautomat og legge reiseproduktet på Skysskortet (både anonyme og personlege kort). Skysskortet registrerast på kortlesaren om bord.

    Dersom du ikkje har eit Skysskort får du ut eit Skyss minikort frå billettautomaten. Både Skysskortet og Skyss minikort skal alltid registrerast på kortlesaren om bord ved kvar reise.

    
     

     

  • Kva gjør eg dersom eg ikkje har Skysskort?

    Dersom du ikkje har Skysskort, får du ut eit minikort (eingongskort) i billettautomaten som òg skal registrerast på kortlesaren om bord.

    Reisande med gyldig papirbillett (ved overgang frå buss) kan ikkje registrere billetten sin på kortlesaren, men den er likevel gyldig som billett og kan visast ved eventuell billettkontroll.

  • Kan eg reise med overgang mellom buss og Bybane?

    Ja, det kan du.

    • Innanfor Sone Bergen: Ved reiser innanfor Sone Bergen kan du få overgang mellom buss og Bybane. Reiser du med Skysskort må du registrere reisa når du skifter til Bybanen. Hald Skysskortet i ro mot kortlesaren ved ombordstiging. Har du papirkvittering frå sjåfør som reisebevis for gyldig overgang, viser du denne ved eventuell billettkontroll.
      
    • Utanfor Sone Bergen: Kjem du frå eller skal du til ein stad utanfor Sone Bergen, anbefaler vi at du kjøper gyldig billett heilt fram til endestoppet på ditt første transportmiddel (hos sjåfør eller på billettautomat).
      

  • Har Bybanen eigne nattavgangar?

    Ja, det går nattavgangar (med nattakst) kvart 20. minutt heile natta natt til laurdag og søndag.

    Billettar med nattakst får du bare kjøpt av billettørar og kostar kr. 60,-. Dette gjeld avgangar merka N i rutehefte. Du kan betale kontant eller med bankkort (BankAxept, Visa og Mastercard).

  • Kan eg ta med barnevogn på Bybanen?

    Du kan ta med barnevogn gratis på Bybanen. Du bør då gå inn ved ei av dei to midtre dørene.

  • Kan eg ta med sykkel på Bybanen?

    Du kan ta med sykkel på Bybanen dersom det er plass. Pris er lik EnkeltSkyss barn. Du bør då gå inn ved ei av dei to midtre dørene.

  • Kan eg ta med hund på Bybanen?

    Du kan ta med hund på Bybanen. Pris er lik EnkeltSkyss barn.

  • Kva er gyldig reisebevis på Bybanen?

    Du må alltid ha med deg gyldig reisebevis. Gyldig reisebevis er følgjande:

    • gyldig reiseprodukt (enten på ditt Skysskort, Skyss minikort eller som papirbillett), og
    • gyldig legitimasjon (ved bruk av personlig Skysskort), og
    • gyldig dokumentasjon for at du har krav på rabatt (studentbevis/honnørbevis etc.) dersom du reiser med et rabattert reiseprodukt.

    Husk; Skysskort og Skyss minikort skal alltid registrerast på kortlesaren om bord ved kvar reise.
    

  • Kva skjer om eg ikkje har gyldig reisebevis?

    Du er sjølv ansvarleg for å ha med gyldig reisebevis under heile reisa. Dersom du ikkje kan vise gyldig reisebevis ved kontroll, må du betale ein tilleggstakst på kr 750.

    Forsøk på forfalsking av reisebevis er straffbart. Forfalskingsgebyret er på kr 1500 og ugyldig reisebevis må leverast inn.

  • Kan eg ete eller drikke om bord i Bybanen?

    Det er ikkje lov å ete eller drikke om bord i Bybanen. Det er ikkje avfallskorger inne i vognene, så vi ber våre reisande om å nytte avfallskorgene på kvar haldeplass.

  • Er vognene og haldeplassane overvaka?

    Kvar vogn og kvar haldeplass er videoovervaka.

  • Er det tilgang til internett om bord?

    Det er trådlaust nettverk om bord. Du får tilgang til nettverket utan passord.

  • Korleis veit eg når Bybanen kjem til min haldeplass?

    På kvar haldeplass er det lystavlar som automatisk viser kor mange minutt det er igjen til neste avgang.

    Du kan òg finne informasjon om Bybanen sine rutetider her

  • Er Bybanen universelt utforma?

    Ja, Bybanen er universelt utforma. Det betyr at Bybanen skal være tilgjengelig for alle, uavhengig av eventuelle funksjonshemmingar.

  • Er det lov å gå eller sykle i Bybanens trasé?

    Nei, all ferdsel i Bybanens trasé er forbode! Dette er for din eigen sikkerheit.

  • Kven har vikeplikt for Bybanen?

    Alle har vikeplikt for Bybanen. Dette gjeld både bilistar, syklande og gåande.

  • Kvar kan eg krysse sporet?

    Gangkryssingane over sporet gjenkjennast ved at dei er utført i grått. Kryss for kjørande og syklande gjenkjennast ved at dei er utført i rødt.

  • Kor mange er det plass til på Bybanen?

    Bybanen har plass til 212 passasjerar, kor 84 er sitteplassar.

• Gyldig reisebevis og kontroll

  • Kva skjer viss eg har gløymt Skysskortet?

    Då må du kjøpe EnkeltSkyss. Alle reisande må vise til gyldig Skysskort, gyldig Skyss minikort eller gyldig papirbillett frå sjåfør. Du er sjølv ansvarleg for å ha med gyldig reisebevis under heile reisa. Dersom du ikkje har gyldig reisebevis kan du få tilleggstakst ved billettkontroll.

  • Eg er student, men har gløymt studentbeviset heime. Må eg betale tilleggsavgift ved billettkontroll?

    Ja, alle som krev rabatterte produkt må kunne vise gyldig tilleggsbevis ved billettkontroll. Dette gjeld for studentar, honnørreisande under 67 år, vernepliktig mannskap og sivile tenestereisande.

  • Billettautomaten virka ikkje då eg skulle kjøpe billett, og eg vart stoppa i billettkontroll. Må eg betale tilleggsavgift?

    Dersom du meiner at du urettmessig har fått tilleggstakst, må du rette ei skriftlig klage til Skyss.

    Klikk her for kontaktskjema

    Dersom det viser seg at det var teknisk umuleg å kjøpe billett på kjøpstidspunktet vil tilleggsavgifta bli ettergitt.
    

  • Eg har gløymt Skysskortet mitt, kan eg reise bare med kvitteringa (som viser at eg har eit reiseprodukt på Skysskortet)?

    Nei, alle som reiser med våre transportmiddel må kunne vise til gyldig reisebevis på reisa. Det held ikkje bare med kvittering som viser til eit produkt på eit Skysskort.

  • Kan eg låne vekk Skysskortet mitt til andre?

    Dersom du har eit personlig Skysskort kan du ikkje låne det vekk til andre. Eit anonymt Skysskort derimot er personuavhengig, og kan nyttast av fleire.
    

  • Må eg ha tilleggsbevis når eg reiser med UngdomSkyss?

    UngdomSkyss er for deg mellom 16 og 19 år. Det er gyldig frå og med fylte 16 år til og med den månaden du fyller 20 år. Ved billettkontroll må du kunne vise gyldig legitimasjon.

• Reise kollektivt

  • Bussen kom ikkje når den skulle, og eg måtte ta drosje for å rekke ein avtale. Kan eg få refundert utlegga?

    Dersom vi ikkje kan tilby deg alternativ transport, og dersom du blir meir enn 20 minutt forsinka vil vi refundere dokumenterte utlegg til drosje.

    Reisegarantien gjeld ikkje ved hendingar utanfor vår kontroll, som til dømes ekstreme vêrsituasjonar, vegarbeid etc.

    Du kan òg ringe 177 for å etterlyse bussen/Bybanen, der får du hjelp til å finne ut årsaka til forseinkinga.

    Les meir om vår reisegaranti her

  • Eg har gløymt igjen veska mi på bussen, kor kan eg vende meg for å høyre om den er funne?

    For Bergen og omegn må du ta kontakt med Skyss på tlf 177. I distrikta har kvart enkelt operatørselskap ansvar for å oppbevare ting som vert gjengløymd.

    Ta kontakt med operatøren (til dømes Tide Buss eller Nobina) som kjører den aktuelle ruta. Kontaktinformasjon finn du under kvar enkelt rute i ruteheftet, eller på skyss.no.
    

    Les meir om hittegods her
    

  • Kva opplysingar vert lagra når eg brukar personleg Skysskort?

    Basisopplysingar som namn, fødselsdato, adresse og e-postadresse vert lagra for eigarar av personlege Skysskort. I tillegg vert det lagra kva reiseprodukt og kva gyldigheitsperiode som ligg på det personlege Skysskortet, samt betalingshistorikk.

    Vi lagrar òg opplysingar om reisehistorikk som vert genererte når Skysskortet blir brukt. Reisehistorikk vert lagra for alle reiser som er gjort dei siste 90 dagane, og inneheld opplysingar om kva haldeplass du nytta då du gjekk på bussen, dato og tidspunkt, kortnummer og kva billettype du brukte på den aktuelle reisa.

    Opplysningane blir anonymisert etter 90 dagar.

    
    Les meir om personvern her